انا واحد من الناس
عاوز اكتب كتير
اوووووووووووووووووووووووووووووووووووووووووى
وجداااااااااااااااااااااااااااااااااااا
بس كل ما افتح صفحه جديده
الاقى نفسى بخليها صفحه بيضا
صفحه مش عارف اكتب فيها ايه
ولا اكتب فيها ازاى
نفسى اتكلم فى حاجات كتير
نفسى اتكلم عن جرح كبير
او اتكلم عن فرح كبير
اتكلم عن حزن غطى الدنيا بالألم
او عن فرح غطى الدنيا أمل
اتكلم عن ايه وازاى
مش عارف
رغم انى بعرف اكتب
ناس كتير بتقول كده
بس مش عارف
بى لى فتره
فاقد الاحساس اللى كنته بحسه مع كل ضغطه على الكيبورد
يا ترا فيه ايه
عارف ان فى ناس هتقول ايه الهيل ده
هو احنا اللى هنعرف فيه ايه
ولا المفروض انت اللى تعرف
انا عارف انى بكتب ومش عارف ايه اللى هيحصل
بس قولت اكتب
جايز تكون بدايه
بدايه انى ابدا اكتب تانى
اكتب من جديد
سواء عن هم كبير
او عن فرح عظيم
المهم اكتب
بخاف الوقتى
خايف انى افقد الكتابه
كنت بخرج فيها حزنى وفرحى
جرحى وقوتى
لو فقدتها مش عارف اعمل ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق